Posts
- اللى بيشتكى ان الإعتصام فى التحرير موقف المرور و معطل المصالح
انت كنت شايفها سالكة قبل كدة امتى؟ القاهرة الكبرى ما هى الا جراج برتبة مدينة! - اللى بيقول ان المظاهرات بتعطل عجلة الإنتاج
ما إحنا كنا بنتظاهر يوم الجمعة و ماكنش عاجب. و بعدين أنا بشوف كل يوم الناس على القهوة الساعة 8 الصبح بتشرب شيشة ولا ده لزوم المزاج اللى حيزود الإنتاج؟؟!! - اللى بيقول طب أنا معاهم بقلبى بس عايز أروح شغلى
اصحى بدرى شوية و انزل شغلك و ارجع بدرى، الثوار نباجيتهم سوارية مش ماتينيه! - اللى بيقول ده كان حلال فيهم العادلى
راعى ضميرك و اسأل نفسك: لو عندك ابن أو بنت أو أخ أو أخت كنت تحب يحصلهم كدة؟ - اللى بيقول الناس اللى نازلة دى عايزين ايه تانى
المطالب متغيرتش من يناير للنهارده، هى لسة متحققتش! و الناس اللى بتنتقضها دي بتجرى ورا حقى و حقك علشان احنا وولادنا يكونلنا مستقبل احسن! «ما ضاع حق خلفه مطالب» - اللى بيقول المفروض ندى الجلس العسكرى و الحكومة فرصة
تسونامى اليابان حصل من 8 شهور و هما من يومها بيبنوا و بيصلحوا من غير كلام، احنا ثرنا للتغيير من 11 شهر و كل اللى حصلنا عليه لغاية دلوتى وعود براقة، فوضى عارمة و اوضاع متردية - الى اخواتى و اصحابى و اهلى اللى فى كل ميادين تحرير مصر:
- التزموا السلمية و ما تدوش لحد فرصة ياخد نقطة عليكو
- لازم نوحد مطالبنا علشان لما المشير يطل علينا بطلعتو البهية نعرف احنا بنقبل أو نرفض كلامه على أساس ايه
- لازم يكون عندنا خريطة طريق واضحة علشان منغلطش نفس غلطتنا فى فبراير
Wednesday, November 23, 2011
الثورة مش بتعطلك، متعطلهاش انت
Subscribe to:
Post Comments (Atom)
No comments:
Post a Comment